رواية لم اعلم عنه الكثير بقلم نجلاء عبد الظاهر

رواية لم أعلم عنه الكثير البارت الاول بقلم نجلاء عبد الظاهر حصريه وجديده
يابت قومي هزي طولك كده وارقصي زي البنات دي.. يمكن حد يعبرك وتتجوزي بقي
لا اطمني يا مامي انا قعده علي قلبك
مامي في عينك قومي
مش هقوم يا حجه..

يخربيتك واطي صوتك فضــ,حتينا.. اي دا ام اسلام
اي دا ازيك يام رغد ايه اخبارك
الحمدلله ياحبيبتي وحشاني والله كده متسأليش
حقك عليا ياختي عارفه اني مقصره في حقك جامد.. الله هي دي رغد
اه ياحبيبتي
ما شاء الله بقت عروسه زي القمر
تسلميلي يارب

لحد هنا انا اصلا مكنتش مركزه معاهم انا كنت ببص على الرقاصه لحد ما ماما سألت السؤال
ايه اخبار الرائد بتاعنا
اسلام حبيبي يعيني طالع عينه
من غير ما افكر
هو ابنك رائد
امور بقى علي كده

ماما ضړبتني في جنبي ام اسلام اللي هى حماتي قريبا ضحكت هو خلاص علي وصول وهتشوفيه
اذ فجأت لقيت وحش داخل علينا طول بعرض ولابس بدله سوده عقبال بدله فرحنا يا بيبي ومسرح شعره ومش زي القرود اللي عماله تتنطط حوليا جه الۏحش ووقف قدام الطرابيزه بتاعتنا مش عرفه ليه حبيت ام اسلام فجأه بس حلو اوي ياطنط الفستان اللي
حضرتك لبسها مصغرك اوي

انا صغيره ياحبيبتي دي الناس لما تشوفني مع اسلام بقولو ليه هي دي اختك الصغير
اممممم انتي هتقوليلي دا انتي نغه الصغيره
ايه
لا ولا حاجه
انتي رغد
يالهوى دا بيكلمني صوته كان حلو اوي يحتضن الواحد كده طرق ابواب قلبي لا طرق ايه داخل خلع الباب ودخل يا باشا حاولت علي قد مقدر ارفع صوتي وابقي كيوت

احم ايوه انا
كل دا بتفكري
هههه فاكر يا اسلام لما كنتو صغيرين وكل يوم كنت بتضربها كتك نيله فيك انت وامك
كان نفسي اقولها بس لما لقيت الۏحش ضحك فنسيت انا مين اصلا الفرح خلص بسرعه للأسف وطبعا كاحال اي بنت مصريه بتحب واحد بيتهيألي انه منزلش عينه من عليها هو اصلا مكنش معبرني وكان بيبص علي الرقاصه
استأذنت من ماما اني اروح لاصحابي بسمه و نسمه هما تؤام وصلت هناك
اهلا ازيك يا رغد اتفضلي

مرسي ياطنط هما نسمه وبسمه فين
فوق في اوضتهم يا
حبيبتي خبطت ودخلت
نسمه وبسمه راااغد
سلمنا على بعض وكده قمت رميت الشنطه علي الارض وفكيت الطرحه ورميت نفسي علي السرير وفضلت اصړخ زي المجانين
مالها دي
مش عرفه