أخويا الصغير رحل من أسبوع

أول ما سمعت الكلمة فقدت الوعي تمامًا، وصحيت بالليل الساعة 11 تقريبًا على صوت أمي وهي بتنادي وبتقول (أنتي كل ده عندك بتأكلي الطيور)..

رديت عليها ونزلت بسرعة لأني كنت خايفة جدًا، نزلت أ,وضتي وشغلت قرآن وفضلت قاعدة لحد الصبح مش قادرة أتلم على أعصابي، وتاني يوم كنت خايفة وأنا طالعة للطيور بس استعنت بالله وطلعت، وكانت كل حاجة ماشية بصورة طبيعية تمامًا، وقررت مطلعش تاني بالليل عشان متحصلش حاجة تخوفني، بس بعدها بيومين وعلى الساعة 11 بالليل سمعت صوت أخويا بينادي من على السطح

(يا هيام)

(يا هيااااام)

شعر ج,سمي كله وقف لما سمعت صوته ومكنتش قادرة أنط,ق ولو بنص كلمة، قمت من مكاني وفكرت أصحي أمي بس مقدرتش، أمي ممكن يجرالها حاجة لو حست إنه ممكن يكون عايش، وأنا ماصدقت إنها بقت كويسة دلوقتي، طلعت وأنا بقدم خطوة وبرجع خطوتين لحد ما وصلت للسطح، وأول ما وصلت سمعت صوت بكاء، كان صوته هو وكان بيعيط، بصتله وأنا عنيا هتخرج من مكانها وبصوت خرج مني بالعافية قولتله

(أنت بتعيط ليه)

لقيته رد بنفس صوت الفحيح وقال

(عشان مبتطلعيش ليا بالليل، وكمان أنا عايز التليفون بتاعي)

وقبل ما أجاوبه سمعت صوت أمي بتنادي عليا، نزلت بسرعة وأنا بترعش لقتها بتسألني بكلم مين على السطح، اتحججت بأي حاجة وحمدت ربنا إن الجو ضلمة عشان متلاحظش ج,سمي اللي بيتر,عش، سألتها عن السبب اللي خلاها تصحى في الوقت ده، قالتلي إنها حلمت بأخويا بيعيط وعمال يقول أنا عايز التليفون بتاعي، خدتها عشان تنام مرة تانية وقعدت في الأوضة أفكر، لحد ما قمت من مكاني وقلبت البيت كله على تليفون أخويا، بس للأسف مكنش له أي أثر، ومبقتش عارفة أنا ممكن أعمل أيه..

لحد ما تاني يوم جتلي واحدة صاحبتي، كانت قريبة مني أوي، قعدت معايا أنا وأمي ولما شافتني حيرانة سألتني، ولقيت نفسي بحكيلها كل حاجة، الغريب إني شوفت نظرة غ,ريبة أوي في عنيها، ولما سألتها قالتلي إنها كانت واقفة وسط الناس لما أخويا ما,ت، وشافت عمي بيح*ضنه ويبكي وخد التليفون من جيبه، الكلمة ص,دمتني، وفكرت أروح أطلبه من عمي بس مكنتش عارفة هعمل ده ازاي، وتاني يوم قررت أدخل بيت عمي لما راح الشغل، وقابلت مراته اللي استقبلتني استقبال كويس..

فضلت قاعدة معاها لحد ما استغليت الفرصة ودخلت أوضة النوم، فتشت في الدولاب ولقيت تليفون أخويا فعلًا، خدته ورجعت البيت وقررت أطلع واسيبه على السطح طالما هو عاوزه، لكني قررت أفتحه وافتش فيه عشان أشوف أخر صورة وآخر فيديو على موبايله، وكانت صدمة العمر، لقيت فيديوهات وصور قذرة لأمي موجودة في معرض الصور، كنت هتجــ,نن ومش فاهمة ده ايه، الفيديوهات واضحة بزيادة وفيها حاجة غريبة ومش حقيقية..

فتحت الواتساب ولقيت رقم غريب باعت الصور والفيديوهات دي لأخويا، وكان كل شوية يقوله أمك ست مش محترمة وبعد مو*ت أبوك بتخرج تشتغل في الحرام، ولازم تهر,,ب من البيت ده أو تمـ ..ـوت نفسك، مينفعش تعيش في بيت زي ده الناس هيعايروك بأمك وأختك بكرة تبقا زيها، الكلام كان بيرعبني وكنت ببكي بجنون، كلمت صاحبتي وحكتلها على اللي حصل قالتلي إن الفيديوهات واضحة أوي معمولة ببرامج هي والصور، بس أخويا عشان صغير متحملش، فيه حد كان عاوزه إما يم*وت أمك أو يمو*ت أخوكي، ومكنش معانا غير الرقم ده، صاحبتي خدته وقالتلي يومين وهعرف هو مين..

بعد محادـ,,ــــثة طويلة بينها وبين الرقم ده طلع رقم جديد لعمي، أيوة عمي اللي كان عايز يتجوز أمي ولما رفضته تمامًا عشان عيالها قرر إنه يأذيها في عيالها عشان توافق، وعمل الخطة دي عشان أخويا طفل ومش هيتحمل حاجة زي دي وإما هيأذي نفسه أو هيهرب ووقتها مش هتلاقي حد تلجئ له إلا عمي، خدت الموبايل ووديته للنيابة وكل حاجة بتثبت الجريمة وإن عمي المسؤول عن م*وت أخويا، وبعد تلت أيام من التحريات اتق*بض عليه واعترف بكل حاجة..

يومها البلد كلها كانت قدام بيتنا بتواسينا وبيعتذرولنا، الغريب شالنا على راسه والقريب كان سبب في أكبر أذى لينا، بس مش مهم، المهم إن ربنا بيكشف المؤذي وينتــ,قم منه ولو بعد حين، واللي بيحاول ياخد حاجة بالغصب مش بتاعته الحاجة دي إما بياخدها وبتأذيه أو بيخلص طاقته كلها ومبيقدرش ياخدها، ببساطة لأن كل حاجة في حياتك مقدرة ومحدش هياخد أكتر من رزقه، الله يرحم أخويا..